شباب كفر السودان
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه

شباب كفر السودان


 
الرئيسيةس .و .جبحـثالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
ازرار التصفُّح
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
المواضيع الأخيرة
» احب اسلم على شباب كفر السودان
الجمعة أبريل 22, 2011 10:26 pm من طرف زائر

» اريد ان اشترك بلمنتدى ارجوكم
الإثنين مارس 07, 2011 2:42 pm من طرف زائر

» الف مبروك يادكتور وليد
الأحد مارس 06, 2011 4:46 pm من طرف زائر

» ألف مبروك يادكتور .....
الأربعاء مارس 02, 2011 12:27 am من طرف زائر

» عرفة .. يوم لميلاد قلوب جديـــدة
الإثنين نوفمبر 22, 2010 7:45 pm من طرف حسان حسن حسني

» مبروك
الثلاثاء نوفمبر 09, 2010 12:30 am من طرف زائر

» تهنئه
الأربعاء يوليو 21, 2010 9:58 pm من طرف زائر

» لماذا يحدث كل هذا ؟!. بقلم ملكة القلم *
الخميس فبراير 18, 2010 2:47 pm من طرف ملكــ القلم ـــة

» الصيد في المملكة العربية السعودية (مدينة الخبر)
الجمعة فبراير 12, 2010 2:48 am من طرف اسلام البدوي

أفضل 10 أعضاء في هذا المنتدى
واحد من الناس
 
بحب مصر
 
الراجي عفو رب
 
الطبيب المسلم
 
الصحوة
 
ملكــ القلم ـــة
 
ebad elrhman
 
أمة الله
 
breakzone
 
الحبشي ابوبريكه
 
احصائيات
هذا المنتدى يتوفر على 79 عُضو.
آخر عُضو مُسجل هو أبو غازى فمرحباً به.

أعضاؤنا قدموا 1349 مساهمة في هذا المنتدى في 1021 موضوع

شاطر | 
 

 الصيد في المملكة العربية السعودية (مدينة الخبر)

اذهب الى الأسفل 
كاتب الموضوعرسالة
اسلام البدوي

avatar

عدد الرسائل : 2
العمر : 33
الموقع : http://www.facebook.com/eslam.nasr1?ref=profile
اعلام الدول :
المهنة :
الهواية :
تاريخ التسجيل : 11/02/2010

مُساهمةموضوع: الصيد في المملكة العربية السعودية (مدينة الخبر)   الجمعة فبراير 12, 2010 2:48 am

بسم الله الرحمن الرحيم

منتداي الغالي .... الاعضاء الكرام ,

السلام عليكم ورحمة الله وبركاته , سعدت جدا بهذا المنتدي وسعيد بكوني واحد منكم و بمشاهدتي لهذا المنتدي الجميل الذي كان له دور بمتابعة اخباركم والتواصل معكم رغم بعد المسافة ولكن شاءت الاقدار مع التقدم بامكانية التواصل عبر الشاشات الالكترونية .. في البداية احب ان اعرفكم بنفسي .. انا اخيكم اسلام نصر البدوي
اعمل مهندس معماري وموجود حاليا بالمملكة العربية السعودية .
لا اقدر عن وصف مقدار السعادة التي انتابتني بوجود منتدي لقرية كفر السودان مسقط رأس ابي وجذوري التي اتمسك بها مهما تغيرت الظروف او بعدت المسافات , و معرفة اخبار اخواننا في الخارج لذلك قررت ان اضيف بعض تفاصيل تجوالي في الخارج كمبادرة للتواصل بيني وبينكم ومعرفة اخباركم ......

بعيدا عن تفاصيل ومشاكل العمل .. بيتملكني ادمان لهواية صيد السمك ونظرا لبعدي عن البحر بستغل الاجازات لاثراء هذه الهواية واخذ جرعات قليله حتي لا اشعر بأعراض الانسحاب Smile

تبدأ الحكاية بالتفكير في كيفية استغلال ايام اجازة العيد ..

و بالصدفه البحتة كنت عايز استغل اي ايام فاضيه عندي بالتجوال في معارض العمارة و الديكور و متابعة الخامات الجديدة المستخدمة في السعودية في المنطقة الشرقية .

بس كنت عايز اختم رمضان باي حاجة كويسة ربنا قدرني و رحت مكة عملت عمرة في ليلة 27 رمضان ...ادعولي ربنا يتقبل

هوووب حجزت اول تذكره علي الخبر و قلت رزقي علي الله و اهو بالمره اقضي ايام العيد في منطقة تانية اهو برضه تغيير عايز اشوف اي منظر غير منظر الصحراء Laughing

وصلت الدمام و اخدت ليموزين علي الخبر وشوفت منظر البحر اتجننت Shocked

قلت في عقلي ... اخلص المشاوير الاول و بعد كده اعمل اللي بالي بالكم (الصيد طبعا)

وعلي اقرب محل ادوات صيد ورحت واخد منه حته بانكس 7000 علي فايبرايه دايوا كاربون لزوم الشاطئ علي شوية عده خفيفه زي الشعر ال25 (حبيبي دائما) ... و انواع سنون مختلفة علشان مش عارف ايه اللي هايشتغل هناك .... و رصاص و مداور و ايس بوكس صغير (لان مكنتش عامل حسابي علي الصيد اصلا) Laughing

وتوكلت علي الله و نزلت سوق السمك هناك اجيب شوية جمبري ملاقيتش غير كبير قلت ميهمش المهم ارمي السناره في المية وخلاص

اول يوم كان يوم 29 رمضان بعد مجيت من مكة وريحت شوية ونزلت حوالي الساعة 2 بالليل ... اليوم الاولاني اخدت وقت كتير علشان التجارب (جديد علي المنطقة بقي) Cool قعدت اجرب في السنون

كان معايا سنون 4 و 8 و 6 المهم اللي اشتغل معايا هناك رقم 4 ... ولاقيت العيال الفلبينين هناك بيشتغلوا بوش من سنين تحت الرصاصة ... عملت زيهم قعدت السنون تدخل في الشعر و الدنيا كلها اتلعبكت في بعضها لان التايار يومها كان عالي .......... قلت ملهاش غير حل واحد ... اديها قرمة اسكندراني والخمد للة اشتغلت زي الحلاوة

تاني يوم رحت برضة نفس المكان (هو الوحيد اللي جربته ) مبحبش اغير كتير للاسف و توكلت علي الله ورميت و لما الفجر بدأ يشقشق اخدت حتة حلوه و بعدها منعت شوية رحت راكن السنارة علي السور و طلتع اجيب بيبسي و ميه (عيد بقي كل سنة وانتوا طيبين ) .... وانا جاي من بعيد لاقيت السنارة بتتشد جامد و رايحة في طريقها علي البحر لولا واحد مصري ربنا يكرمة لحقها علي اخر لحظة ... قعدت اجمع عليها (كانت كبيره قوي) بس للاسف الوش كان 25 مستحملش كتير ......

قعدت اضرب كف علي كف ... مش علشان السمكة اللي راحت والله ... بس علشان كنت قاعد اضحك علي العيال الفلبينيين انهم عاملين الوش من نفس خيط السنارة مش خيط خفيف ... اكتشفت انهم عاملين حساب حاجة زي كده ....


المهم شوية كدة لاقيت شاب مصري محترم كان ماشي علي الكورنيش مع اصحابه و جه يكلمني وكان شكله مش غريب عليا وكان مهتم قوي وبيسأل ايه الطعم و ايه الاخبار في المكان ده ؟ و حاجات من دي

قلتله حضرتك كنت بتصطاد قبل كده قاللي انا من اسكندرية وكنت بطلع تسقيط من ميامي و ابو قير و قعدنا نحكي مع بعض في طلعات التسقيط و في الاخر بالصدفة طلع من الناس اللي كانوا بيصطادوا معايا علي مراكب التسقيط في اسكندرية قلت يا سبحان الله علي الصدف اللي بتجمع الناس من غير ميعاد ... بجد سعدت جدا بمعرفة شاب محترم مثله وان شاء الله مش هاتبقي اخر مقابلة

المهم كانوا يومين في الجووون و الواحد استمتع بيهم جدا و في نفس الوقت في الفترة الصغيره دي اتعرفت علي ناس جميلة و رحت لامم شنطتي و العده و متوجه علي الجوف

اسيبكم مع الصور و اسف للاطاله .... وكل سنة وانتم طيبين[/color]



جولة لاكتشاف المكان



مناظر تفرح والله







من هنا ممكن تشوف دولة البحرين



ده المكان



سنارتي العزيزه



حصيلة اول يوم









حصيلة اليوم الثاني
















دول الصيادين الفلبينين بيرموا الساليه و يجيبوا طعم حي يصطادوا بيه





ودي اول هديه مني لشباب الموقع ... يارب تعجبكم








تقبلوا تحياتي .....[/size]
الرجوع الى أعلى الصفحة اذهب الى الأسفل
 
الصيد في المملكة العربية السعودية (مدينة الخبر)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب كفر السودان :: مجتمع القريه :: ابناء الفريه في الخارج-
انتقل الى: